Vefverslun
Hagkvæmt að reka vefverslun
Í hefðbundnum verslunarrekstri er að mörgu að huga. Leigja þarf húsnæði á góðum stað, hanna þarf aðkomu og uppsetningu verslunarinnar og greiða þarf starfsfólki fyrir að þjónusta og afgreiða viðskiptavini, svo eitthvað sé nefnt.
Rekstur vefverslunar minnkar þennan kostnað til muna, enda engin þörf á að greiða fyrir húsnæði annað en vörulager. Einnig þarf mun færra starfsfólk í slíkan rekstur og eru mörg dæmi þess að vefverslun sé rekin alfarið af einum starfsmanni. Allar pantanir eru sjálfvirkar og því engin þörf á sér kassakerfi eða handvirkri afgreiðslu. Það sparar verslunarrekendur tíma og kostnað og hámarkar þannig tekjur af hverri seldri vöru.
Tengsl við viðskiptavini
Tengsl við viðskiptavini eru mikilvæg og þar hefur rekstur vefverslunar marga kosti. Vefverslun er alltaf opin og viðskiptavinir hafa því stöðugan og greiðan aðgang að versluninni og vörunum sem eru til sölu. Auðvelt er að vera í samskiptum við viðskiptavini með því til dæmis að bjóða upp á skráningu á póstlista eða í tilboðsklúbb.
Einnig er vert að minna á að vefverslun er opin allri landsbyggðinni og er því óháð staðsetningu kaupenda. Það er mikill kostur sem verslunarrekendur ættu að íhuga vel, enda sparar slíkt gífurlegan kostnað við að opna útibú í fleiri en einum landshluta.
Hámarkaðu árangurinn
Virkar vefverslun á Íslandi? Svarið er vissulega já, en engu að síður er mikilvægt að fylgja ákveðnum (guidelines) til að hámarka árangurinn.
Líkt og með hefbundinn verslunarrekstur er nauðsynlegt að kynna og auglýsa vefverslunina. Best er að (targeta) rétta markhópinn og stundum getur verið nóg að auglýsa eingöngu á vefnum, ef valdar eru réttu vefsíðurnar. Hins vegar er alltaf líklegra til árangurs að auglýsa í öðrum miðlum, svo sem dagblöðum, tímaritum, útvarpi og sjónvarpi. Slíkt þarf vissulega að meta hverju sinni og æskilegt er að mæla árangurinn með því að greina heimsóknir tengdar ákveðnum auglýsingaherferðum.
Æskilegt er að vörur í vefverslun séu aðeins ódýrari en í hefðbundinni verslun, sérstaklega í ljósi þess að sendingarkostnaður bætist gjarnan við heildarupphæð kaupa. Ein af ástæðum þess að viðskipti á vefnum gengu verr hér á árum áður er að verð á vörum var gjarnan það sama og í verslunum. Kaupandinn vill sjá sér hag í því að versla á vefnum og er mjög meðvitaður um að verð ætti að vera lægra í vefverslun.
Vöruúrval þarf helst að vera nægilega mikið til að kaupandinn hafi ánægju af því að skoða sig um og sjái ástæðu til að koma aftur inn á vefverslunina seinna meir. Þá er gott að hafa sem ítarlegastar upplýsingar um vörur og þjónustu til að skapa traust. Kaupandi sem finnur hvergi þær upplýsingar sem hann leitar eftir hefur minni áhuga á að versla við viðkomandi verslun, líkt og ef hann fær ekki þjónustu í hefðbundinni verslun.
Mikilvægt er að afgreiða pantanir eins fljótt og mögulegt er. Sömuleiðis er mikilvægt svara viðskiptavinum fljótt ef þeir senda fyrirspurnir. Slík þjónusta mun skila sér í auknu trausti og ánægju viðskiptavinarins.
Til að auka traust kaupandans enn meira er æskilegt að útfæra skilarétt, þar sem það á við. Ekki er víst að skilaréttur eigi við um allar vörur þannig að slíkt þarf að meta hverju sinni.
Aukning í vefviðskiptum
Við höfum séð mikla aukningu í viðskiptum á vefnum undanfarin ár og höfum við sérstaklega greint áhuga íbúa á landsbyggðinni þar sem aðgangur að vörum og þjónustu er almennt minni. Traust á vefnum hefur einnig aukist og þykir ekkert tiltölumál að gefa upp persónuupplýsingar og greiðslukortanúmer. Þetta traust er mikilvægt og passa verður að það rýrni ekki. Þess vegna er nauðsynlegt að fyllsta öryggis sé gætt í móttöku kreditkorta á vefnum.
Hægt að byrja strax
Að opna vefverslun þarf ekki að kosta mikið og hægt er að setja verslunina í loftið á tiltölulega stuttum tíma. Við bjóðum viðskiptavinum okkar upp á Zolon kerfið, sem er hannað með það í huga að hefja rekstur á vefnum á eins fljótlegan hátt og mögulegt er. Kerfið er sérsmíðað og hannað með íslenskar aðstæður og þarfir viðskiptavina okkar í huga.
